SBI ONLINE/INTERNET BANKING MOBILE NUMBER THLAK DAN: BANK-A KAL KHER NGAI LOVIN

- Kamliana Lhouvum

Tun tumah hian SBI Online Banking-a Mobile kan register-na number thlak dan awlsam kan zir ho leh dawn a ni. Chhiartute'n kan tangkaipui a, kan hlawkpui ngei ka beisei.

Chiang zawka a video en duh tan Mizo tawng ngeia video siam i lo en mai dawn nia. A tawpah video link dah a ni e.

Internet Banking Mobile number hi kawng thumin a thlak theih a:-
1. Online atangin, OTP by SMS on both Mobile number

* Both mobile number tih awmzia chu Number hlui leh Number tharah tihna.

2. ATM Booth hmangin a thlak theih bawk.

3. Bank Office-a thawkte hnena request thawn emaw, anmahni kaltlangin.


Heng option 3 zingah khian no. 1 "Online atangin, OTP by SMS on both Mobile number" hmangin kan thlak dawn a ni.

Procedure:

1. Google chrome atangin Online SBI account-ah i login ang; hetah hian Username leh Password hmangin i login ang.

2. My account and Profile option section-ah i lut ang a, "profile" tih option i click ang.


3. Profile Password i chhu lut ang a, i enter ang.

4.  Mobile number thlakna option 2 lo awmah a hnuai zawk "through sms/otp/atm" tih option i click ang.


5. I mobile thlak duh/hman duh zawk number thar i type lut ang; confirm leh ang.


6. Option 3 lo lang zingah "OTP by sms on both the mobile number" tih i click leh ang a. i proceed
ang.


7. I account hman lai ngei kha click la; account pakhat aia tam i nei a nih chuan i hman duh zawk zawk account kha select ang che, proceed hmet rawh.


8. Debit card/ATM card i hman lai kha select leh ang che.

9. I debit card/ATM card fill up tur fill up ang che: ATM number, validity, Card holders name, PIN, etc fill up rawh. Proceed leh la....


10. Click here option-ah kal leh la, chutah chuan option 3 hmanga mobile number thlak dan i hmu ang. Mahse, Option 1 "OTP by SMS on both Mobile number"  hmanga thlak tur kan nih avangin hetiang hian i ti ang.




One Time Password (OTP) hi i mobile number hlui leh number thar i ziah luh zawh hlimah khan i dawng ve ve ang. Tin, Reference number pawh i dawng tel bawk ang.

A thlalaka a lan ang hian I mobile number 2 atangin SMS i thawn ang. Hetiangin:-

ACTIVATE 12345678 UM05081732013  tih hi 567676 -ah hian i thawb ve ve ang. Heta SMS thawn nan hian top up/balance a kal a, sms pack ngah viau mah la, topup i neih loh chuan i thawn thei chuang lo ang. Chuvangin, Top up Rs. 10 man tal thun ang che.

11. I thawn zawh hnuah SBI online banking account-ah login leh la, profile option-ah lut leh la, tichuan, i mobile change-na status i hmu ang. I number thar chu automatic-a a function veleh sms i dawng ang. "your number is successfully changed" tih i dawng ang. 


12. Tichuan, Transaction, payment leh recharge etc i tih reng rengin i number tharah hlir OTP password leh notification i dawng tawh ang.


Post a Comment

3 Comments

  1. Bank acount a namber register,chumi namber chu hman tawh loh a ni a,chumi chu online hian a thlak theih tho em?

    ReplyDelete