ASBESTOS(TILE) HI KHAW’NGE A AWM TAK???


MIZOTE’N “TILE” TIA KAN HRIAT LAR THIN— ASBESTOS HI KHAW’NGE A AWM TAK?


                                      BANNED??? ENG VANG NGE?

                                                      -          Kamliana Lhouvum

                                                                        Picture : Asbestos


Asbestos, Mizote’na tile tia kan hriat lar thin kha tun hma deuh 90’s chho vel thleng khan Mizoramah pawh kan hmang lar em em a; a man a tlawm si a. Nimahsela, tun hnuah hian kan hmang ta meuh lo. A chhan leh vang chu — he Asbestos hian mesothelioma (cancer) natna a thlen theih avangin khawvel hmun tinah ban(Hman khap) a lo ni ta a ni. A chhan leh avangte kan zir ho dawn a ni.

Tile bang

1.       ASBESTOS CHU ENG NGE NI?

a)       Insulator( Current kal theih lohna) tha tak a ni.

b)      Sound obserber(Sound proof) tha tak a ni.

c)       Kangmei(Fire) proof tha tak a ni

d)      Heat(sa/lum) proof tha tak a ni.

e)       Electrical & Chemical damage proof tha tak a ni.

-         Kum 4500 vel kal ta daih atang khan Abestos hi hman tan a nih rin a ni a; hman lar tanna tak tak erawh kum 1858-a John Company-a’n Mine industry-a Insulation atana a hman hun kha a ni awm e.


                                                           Abestos fiber


2.       ENG VANGIN NGE BAN A NIH?

Kum 1900 tir lamah khan Health Workers te chuan lungs cancer vei leh chuap natna lama harsatna nei namenloin an pung tih an hre chhuak a; tin, lungs- related problems avanga thite hi Mine industry, Asbestos tela siamho an lo ni bawk nen. Asbestosis natna hi kum 1924-ah Britain-ah hmuhchhuah niin, a hnu lawk kum 1940-ah chuan natna hlauhawm tak, asbestos-in a thlen natna “ Mesothelioma” chu hmuhchhuah a lo ni ta a ni. Hemi atang hian khawvel hmun tam zawkah chuan hman khap a lo ni tan ta a ni.


                                                              Asbestos fibre

3.       ENG VANGIN A HLAUHAWM?
Abestos hian mineral pahnih— 1. amosite 2. Crocidolite te a pai tel a; heng mineral 2 te hian mihring chuap(Lungs) velah rei tak cham theihna power (long resistance/staying power) an nei a. Chuvangchuan, tumors insiamin cancer natna- Mesothelioma a thlen thin a ni.

                                          Tile bang pawp

4.       TUNAH ENG NGE A DINHMUN?

Abestos hi khawvel hmun tin deuh thawah hman khap a ni tawh a; amaherawhchu, hmun thenkhatah erawh tulna avangin leh retheihna avangin hman phalsak an la ni cheu. Tun dinhmunah hian Russia hi khawvela Asbestos thawn chhuak hnem ber ram an ni a, Canada-in an dawt a ni. India leh China hi khawvela Asbestos la lut hnem ber leh consumer lian ber an ni mek bawk.


5.       HLAUHAWM LOH CHINTE

US Regulations -ah chuan products(Thil/hmanrua) reng rengah Abestos hi 1% aia tlem pawlh a nih chuan hman phal a ni a; hlauhawm thamah a ngai lo a ni. Abestos kan hmanna/telhna product/material thenkhat langsar zualte chu:-

a.       brake pads,

b.       roofing materials

c.       vinyl tile

d.       automobile clutches

e.       cement piping

f.        home insulation

g.       corrugated sheeting

h.       custom potting soils, etc.


                                                            Tile bang

6.       INDIA-AH ENG NGE A DINHMUN?

Ram thang mek leh intodelh lo kan la nih vang a ni ber ang chu— Cancer natna thlentu a ni tih hre mah ila, hman zui zel a la ni a. Asbestos industries thenkhatte hi sum la lut hnem ber berte an la ni mek zel chu a nih hi. Khap ahnekin khawvela Asbestos chawlut hnem ber kan ni mek a, hengah te hian kan hmang ber-

a.       Roofing Sheets

b.      Cement Pipes

c.       Gasket Sheets

d.      Brake Liners & Clutch Facings

e.       Insulation.




Post a Comment

2 Comments

  1. Asbestos testing may be important before beginning any home improvement project. If your home was built before 1980, it can be assumed that there are likely asbestos-containing products in your home asbestos inspector

    ReplyDelete